लण्डन :-अध्यक्ष हिरा देबी गुरुङको अध्यक्षतामा घान्द्रुक समाज यूकेले नेपालमा जारी GenZ आन्दोलनका क्रममा घाइते भएकाहरूप्रति मानवीय सहयोग गरेको छ।

नेपाल स्नेही काखमार्फत् समाजले प्रत्येक घाइते व्यक्तिलाई रु. २०,००० (बीस हजार) का दरले आर्थिक सहयोग वितरण गरेको हो।

नेपालमा जब–जब आपत विपत, बाढी–पहिरो वा अन्य संकट आउँछ, घान्द्रुक समाज यूकेले सधैं अग्रपंक्तिमा रहेर सहयोग गर्दै आएको छ। यस पटक पनि देशको यो संवेदनशील परिस्थितिमा समाजले मानवीय संवेदना र जिम्मेवारीको परिचय दिएको छ।

यस कार्यमा अध्यक्ष हिरा देबी गुरुङ, देव गुरुङ, र सम्पूर्ण घान्द्रुक समाज यूके परिवारको योगदान प्रशंसनीय छ।
समाजको निरन्तर सहयोग र देशप्रतिको आत्मीयताप्रति सबै नेपालीले हार्दिक सम्मान व्यक्त गरेका छन्।