काठमाडौं, जेठ २९ — अहमदाबाददेखि लण्डनका लागि उडेको एयर इन्डिया AL 171 विमान २०८२ जेठ २९ गते दुर्घटनामा परि ज्यान गुमाएका डाक्टरहरू, चालक दलका सदस्यहरू तथा अन्य समस्त यात्रुहरूप्रति श्रद्धाञ्जली अर्पण गर्दै समुदायको लागि चिकित्सक संस्था र गौरिघाट सुधार समिति द्वारा संयुक्त रूपमा विशेष शोक कार्यक्रम सम्पन्न गरिएको छ।

पशुपतिनाथ मन्दिर परिसरमा आयोजित कार्यक्रममा दीप प्रज्वलन गरी दिवंगत आत्माहरूको चिरशान्तिको कामना गरिएको थियो। सहभागीहरूले मौनधारण गर्दै भावपूर्ण श्रद्धाञ्जली अर्पण गरेका थिए।

उक्त कार्यक्रममा चिकित्सक, समाजसेवी, स्थानीय बासिन्दा तथा धार्मिक व्यक्तित्वहरूको उपस्थिति रहेको थियो।
कार्यक्रमका वक्ताहरूले हृदयविदारक उक्त दुर्घटनाप्रति गहिरो पीडा व्यक्त गर्दै शोकसन्तप्त परिवारजनप्रति समवेदना प्रकट गरेका थिए। साथै, हवाई सुरक्षाका मापदण्डहरू कडाइका साथ पालना हुनुपर्ने कुरामा समेत जोड दिइयो।

दुःखद घडीमा दिवंगतहरूप्रति सम्मान प्रकट गर्दै मानवताको पक्षमा एकताबद्ध रहन सबैमा अपिल गरिएको छ।