काठमाडौं — आशान्त शर्मा निर्देशित नेपाली फिल्म ‘ताराहरू’ को ट्रेलर सार्वजनिक भएको छ। ट्रेलरले सहरमा बस्थापछि मध्यमवर्गीय परिवारले भोग्नु परेको चुनौती र संघर्षलाई मार्मिक रुपमा प्रस्तुत गरेको छ।

फिल्ममा निर्देशक आशान्त शर्मा र अभिनेत्री मेनुका प्रधान मुख्य भूमिकामा देखिएका छन्। साथै आभास अधिकारी, मिरा खड्का, कुन्दुन शाक्य, प्रभाकर न्यौपाने, राज पंगेनी शर्मा, प्रमोद यादव, अञ्जली शाह, पुस्कर गुरुङ लगायतका कलाकारहरूले पनि अभिनय गरेका छन्।

फिल्मको कथा निर्देशक आशान्त शर्माले नै लेखेका हुन्। यसअघि फिल्मका ‘ऐया नि हो’ र ‘जाम त भने कुन बाटो जाम त’ नामक गीत र टिजर पनि सार्वजनिक भइसकेका छन्।

छायांकन सरद महतोले गरेका हुन् भने विनोद पाण्डेले सम्पादन गरेका छन्। ‘वेज प्रा.लि.’ को प्रस्तुति रहेको फिल्मका निर्मातामा गोपिनी शेडाइँ र कृष्ण प्रसाद पंगेनी शर्मा छन् भने सह–निर्मातामा घनलक्ष्मी शाक्य, जगविजय पंगेनी शर्मा र युगविजय पंगेनी शर्मा रहेका छन्।

फिल्म आगामी भदौ ६ गतेबाट प्रदर्शनमा आउने तय भएको छ।