काठमाडौं । गायिका सुमी पराजुलीको नयाँ म्युजिक भिडियो ‘पिपल बोटैमा’ शुक्रवार आधिकारिक रूपमा Sumi Parajuli Official युट्युब च्यानलमार्फत सार्वजनिक गरिएको छ। पोस्टर रिलिजसँगै चर्चा कमाइरहेको यो गीत अब भिडियोसहित दर्शक–श्रोतामाझ आएको छ।

गीतमा स्वर सुमी पराजुली, शब्द आनन्द अधिकारी, संगीत एलिश कार्की, एरेञ्ज शिवम रसाइली, तथा मिक्स/मास्टर श्यामश्वेत रसाइलीले सम्हालेका छन्। गीतको रेकर्डिङ म्युजिक क्लाउड, कमलादीमा गरिएको हो।

‘पिपल बोटैमा’को भिडियोमा गम्भीर बिष्ट र बिना राउतको प्रभावशाली अभिनय हेर्न सकिन्छ। भिडियोलाई पवन सुस्लिङले छायांकन, सम्पादन र कलर गरेका छन्। मेकअप सुभाष तिमल्सिना, पोशाक कुसुम बुटिक, र कोरियोग्राफी पुनम श्रेष्ठले सम्हालेका छन्।

भिडियोको पोस्टर सन्तोष डिजाइनले तयार गरेको हो भने प्रोडक्सन कन्ट्रोल शम्भु श्रेष्ठले जिम्मेवारी सम्हालेका छन्।

गीत सार्वजनिक भएपछि निर्माण टिमले दर्शक–श्रोताबाट माया, सुझाव र सकारात्मक प्रतिक्रियाको अपेक्षा व्यक्त गरेको छ।