हिन्दुहरुको महान चाड बडा दशैंको फूलपातीको अवसर पारेर असोज १३ गतेबाट रिलिज हुन लागेको नेपाली फिल्म ‘माइतीघर’ को प्रचार प्रसार आक्रामक रूपमा अघि बढिरहेको छ। देशभरका हलमा ठूला पोस्टर राखिएका छन् भने विभिन्न स्थानमा होर्डिङबोर्ड पनि देख्न सकिन्छ। फिल्मका प्रस्तुतकर्ता रोहित अधिकारी ले प्रचारमा कुनै कमी नहुने घोषणा गरिसकेका छन्।

फिल्मको शीर्ष गीतमा नृत्य गरेर उत्कृष्ट प्रदर्शन गर्ने व्यक्ति वा समूहलाई ५ लाख रुपैयाँ नगद पुरस्कार दिइने घोषणा गरिएको छ। भदौको पहिलो साता सार्वजनिक हुने गीतको ४० सेकेन्डदेखि २ मिनेटसम्मको भिडियो बनाएर OSR Digital को मेल आइडी osrdigitalnp@gmail.com मा पठाउनुपर्नेछ।

पठाइएका भिडियोहरू OSR Digital का युट्युब, फेसबुक, र टिकटक खाताबाट सार्वजनिक गरिनेछन्। सार्वजनिक भिडियोहरू मध्ये सबैभन्दा धेरै भ्यूज पाउने र उत्कृष्ट कोरियोग्राफी भएको भिडियो छनोट गरी पुरस्कार दिइनेछ।

गीत ‘बसन्त नै बस्न खोज्छ यहाँ लोलायर’ मा भारतीय गायिका सञ्जिवनी को स्वर छ। भिडियोहरू भदौ २० गते सम्म पठाइसक्नुपर्नेछ। निर्माणपक्षले असोज १२ गते उत्कृष्ट भिडियो बनाउने व्यक्ति वा समूहको नाम घोषणा गर्ने र पुरस्कार प्रदान गर्ने बताएको छ।

फिल्म मिलन तामाङ को निर्देशनमा तयार भएको हो। यसमा धिरज मगर, केदार घिमिरे, प्रकाश सपुत, उपासना सिंह ठकुरी, श्यामाश्री शेर्पा, युवराज लामा, बुद्धि तामाङ, शिशिर वाङ्देल, रजनी गुरुङ, सन्तोष शाही, फूलकुमार बमजम, संगीता थापा लगायतका कलाकारहरुको अभिनय छ।

कथाकार चन्द्रकुमार दोङ, डोआपी सुशन प्रजापति, पटकथा तथा संवाद रामशरण पाठक, सम्पादन सुरेन्द्र पौडेल, गीतकार किरण खरेल, कुमार स्याङ्बा, राम अविरल, संगीत चन्द्रकुमार दोङ, एलिस कार्की, एसडी योगी, स्वर्गीय जयदेव, एक्सन अष्ट महर्जन ले तयार गरेका छन्।

फिल्ममा लगानी रविन शेरचन र धिरज तामाङ ले गरेका हुन् भने कार्यकारी निर्माता ईश्वर श्रेष्ठ र निरज कटुवाल छन्।