काठमाडौं, जेठ २२ — नेपाली सञ्चार तथा डिजिटल रणनीतिमा क्रियाशील चर्चित व्यक्तित्व कुमार आचार्यलाई अन्तर्राष्ट्रिय कम्पनी UNA Production ले आफ्नो सोसल मिडिया एडभाइजर को रूपमा नियुक्त गरेको छ।

UNA Production ले सार्वजनिक गरेको औपचारिक स्वागत सन्देशमा भनिएको छ, “हामी एक विशेष प्रतिभालाई हाम्रो परिवारमा स्वागत गर्न पाउँदा उत्साहित छौं। कुमार आचार्यको अनुभव र ऊर्जा हाम्रो डिजिटल उपस्थिति अझ मजबुत बनाउन महत्वपूर्ण भूमिका खेल्नेछ।”

आचार्यले अब संस्थाको सामाजिक सञ्जाल गतिविधि व्यवस्थापन गर्ने, डिजिटल ब्राण्डिङ रणनीति बनाउने, र अन्तर्राष्ट्रिय दर्शकमाझ परियोजनाहरू पुर्‍याउने जस्ता महत्वपूर्ण जिम्मेवारी सम्हाल्नेछन्। सञ्चार तथा मिडिया क्षेत्रमा लामो समयदेखि सक्रिय आचार्य यसअघि पनि थुप्रै सृजनात्मक परियोजनामा संलग्न रहिसकेका छन्।

UNA Production जापानमा आधारित अन्तर्राष्ट्रिय कम्पनी हो, जुन नेपाली चलचित्र, वेब सिरिज, म्युजिक भिडियो, र अन्य मनोरञ्जन सामग्रीको निर्माण, प्रवर्द्धन र वितरणमा सक्रिय रहँदै आएको छ। नेपालमा पनि यसको क्रियाशील उपस्थिति छ, र नेपाली सिर्जनालाई विश्व बजारमा पुर्‍याउने उद्देश्य राख्दछ।

कुमार आचार्यको नियुक्तिको खबर सार्वजनिक भएसँगै नेपाली फिल्म क्षेत्र तथा डिजिटल मिडियामा सक्रिय थुप्रै व्यक्तित्वहरूले सामाजिक सञ्जालमार्फत बधाइ तथा शुभकामना व्यक्त गरेका छन्।