काठमाडौं । राजधानीको जमलस्थित ‘राजा लाउन्ज एन्ड क्लब’ मा गत शुक्रबार भव्य रूपमा सम्पन्न ‘सेल्फ फेसन शो २०२५’ ले फेसन क्षेत्रको नयाँ धार प्रस्तुत गरेको छ।

नेपालमा फेसन क्षेत्रको उच्चतम प्रस्तुति मानिने यस कार्यक्रममा फेसनप्रेमी, कलाकार, सञ्चारकर्मी तथा विभिन्न क्षेत्रका विशिष्ट व्यक्तित्वहरूको उपस्थिति रहेको थियो।

कार्यक्रममा रञ्जु घर्ती मगर र पेम्बा लामाले उत्कृष्ट प्रस्तुति र आत्मविश्वासका आधारमा विजेताको उपाधि जित्न सफल भए। निर्णायक मण्डलले उनीहरूको प्रस्तुति शैली र व्यक्तित्वलाई उच्च मूल्यांकन गरेको आयोजकले जनाएको छ।

कार्यक्रमको विशेष आकर्षणका रूपमा नेपाली चलचित्रका चर्चित अभिनेता प्रमोद अग्रहरि प्रमुख अतिथिका रूपमा उपस्थित थिए। लामो अन्तरालपछि ऊर्जाशील पुनरागमन गरेका अग्रहरिको उपस्थिति स्वयंमा नै कार्यक्रमको गरिमा वृद्धि भएको टिप्पणी गरिएको छ।

त्यस्तै, ‘नाइ नभन्नु ल ३’, ‘समर लभ’ र हाल चर्चामा रहेको ‘रत्यौली’ अब चाडै छायांकनमा जाने निर्देशक मुस्कान ढकाल, समाजसेवी तथा शिक्षाविद् डा. नवीन शाह, आइडिया फर वर्ल्डका टेक्निकल हेड,रत्यौली चलचित्रका निर्मता रन्जन रिजाल सहित विभिन्न क्षेत्रका प्रतिष्ठित व्यक्तिहरूको उपस्थिति रहेको थियो।

आयोजक ‘शाह स्टुडियो एन्ड कम्पनी’ का अध्यक्ष मोनु शाहले निकट भविष्यमै अझ सशक्त र सिर्जनात्मक कार्यक्रम ल्याउने तयारी भइरहेको बताए। उनका अनुसार, सेल्फ फेसन शो केवल फेसन प्रदर्शन मात्र नभई युवा प्रतिभा, सृजनशीलता र सांस्कृतिक चेतनाको साझा मंच हो।