नेपाली चलचित्र र म्युजिक भिडियो क्षेत्रका उदाउँदा कलाकार श्याम मगर पछिल्लो समय दर्शकमाझ ‘भाइरल’ पात्रका कारण निकै चर्चामा छन्। उनी अभिनित भूमिका र प्रस्तुतिको कारण मात्र नभई मेहनती र लगनशील कलाकारको रूपमा चिनिन थालेका छन्।

पहिले नै एक दर्जनभन्दा बढी म्युजिक भिडियोमा उत्कृष्ट अभिनय प्रस्तुत गरिसकेका मगरले हालसम्म ६/७ वटा चलचित्रमा अभिनय गरिसकेका छन्। अभिनयसँगै मोडलिङ र निर्माणमा पनि सक्रिय बन्न थालेका उनी, आगामी दिनमा निर्माता–कलाकार दुवै रूपमा दर्शक समक्ष आउने तयारीमा छन्।

चलचित्र ताराहरु मा भाइरल रोल गरेर चर्चामा आएका उनी, पछि शो कम हुनु र चलचित्रले अपेक्षित सफलता नपाउँदा केही समय छायामा पर्न पुगे। तर, दर्शक र समीक्षक दुवैबाट राम्रै प्रतिक्रिया पाएका मगर अहिले पुनः नयाँ परियोजनासहित फर्कन लागेका छन्।

आगामी चलचित्र महादशा मा उनी निर्माताको भूमिकामा देखिँदैछन्। चर्चित निर्माता किरण नेपालीको डेब्यु निर्देशन रहेको यस चलचित्रमार्फत श्याम मगरले अभिनयसँगै निर्माण यात्रा पनि अघि बढाएका हुन्। यसले उनलाई बहुआयामिक कलाकार मात्र होइन, चलचित्र उद्योगमा दीर्घकालीन योगदान दिने व्यक्तित्वको रूपमा चिनाउने अपेक्षा गरिएको छ।

‘श्याम मगर भन्दा पनि भाइरल श्याम मगर’ भनेर चिनिने उनी, आगामी महादशामा फरक र दमदार प्रस्तुति ल्याउने संकेत गरिरहेका छन्। अभिनयमा देखाएको लगनशीलता र निर्माणमा देखाएको पहलले उनलाई नेपाली चलचित्र क्षेत्रमा अझ मजबुत बनाउने अनुमान गरिएको छ। उनले अभिनय गरेका कल्ली ,ताराहरु,मि.फन्टुस,प्रेम गीता,जिवन साथि केही रिलिज भए केही छायांकनमा र केही रिलिज हुने तयारीमा छ्न