काठमाडौं – चर्चित टेलिभिजन हास्य शो ‘कमेडी दरबार’ टिमले अब फिल्म निर्माणमा हात हाल्ने भएको छ। निर्माण टिमले आज सोमबारको दिन पारि फिल्म ‘क का कि कि’ को थिम पोस्टर सार्वजनिक गर्दै फिल्म निर्माण बारे घोषणा गरेको हो।

पोस्टरअनुसार फिल्ममा नेपाली सिने जगतका चर्चित कलाकारहरू गौरी मल्ल, तृप्ति नाडकर, ऋचा शर्मा र मदनकृष्ण श्रेष्ठको प्रमुख भूमिका रहनेछ। त्यस्तै, टिकटक स्टार पवित्रा, पवन खत्रीलाई, हिशिर भट्ट, सुजाता थापा, विजय बराल, विशाल अधिकारीलगायतको पनि विशेष भूमिका रहनेछ।

घोषणा गरिएको पोस्टरमा देखाइएका कलाकारहरूको भाव, फिल्मको टाइटल र मेकिङ टिमको जनराअनुसार यो फिल्म पूर्ण कमेडी शैलीमा निर्माण हुनेछ।

फिल्मको निर्देशन विक्की अग्रवाल र श्रद्धा प्रसाईँले संयुक्त रूपमा गर्नेछन्। निर्माता श्रद्धा प्रसाईँ र सुमित्रा थापाको प्रस्तुतिमा तयार हुन लागेको यस फिल्मको पटकथा विक्की अग्रवालले लेखेको हुन् भने कथामा विक्की अग्रवाल, विकास अर्याल र राजेश भन्टेलको सहकार्य रहनेछ।

छायांकन निर्देशक (डीओपी) सुदिप बराल रहनेछन्। फिल्मको थिमपोस्टर रोयल भिज्युअल्सले तयार पारेको हो।

फिल्मको वितरण आई वान्टेनेइन, अन्तर्राष्ट्रिय वितरण सेवन रिजल्ट र डिजिटल अधिकार ओएसआर डिजिटलले लिने भएको छ। हाल टेलिभिजनमा प्रशारण भइरहेको ‘कमेडी दरबार’ सफलताको निर्देशन गरेका विक्की अग्रवालको यसै फिल्मी प्रोजेक्ट हो।

निर्माता टिमले भनेको छ, ‘कमेडी दरबार’ मार्फत हामीले दर्शकको मन जित्न सफल भयौं। त्यही विश्वास र भरोसालाई हामी फिल्ममा पनि उस्तै रुपमा प्रस्तुत गर्दैछौं। दर्शकसँग यति साँचोमा यो उत्कृष्ट अवसर पाएका छौं। ‘क का कि कि’ को यस यात्रामा हामीलाई दर्शकले साथ दिनुहुन्छ भन्ने पुर्ण रुपमा आशावादी छौ।