काठमाडौं।
देशभरका अभिनयप्रेमी युवाबीच लोकप्रिय बन्दै गएको रियालिटी शो ‘एक्टिङ स्टार’ ले विजेता तथा उपविजेताहरूलाई प्रदान गरिने पुरस्कारको घोषणा गरेको छ। शोको मुख्य आकर्षणका रूपमा ३५ लाख रुपैयाँ नगदसहित नेपाली चलचित्रमा अभिनय गर्ने अवसर रहनेछ।

नेपालका हिमाली, पहाडी, तराई क्षेत्र मात्र होइन, सिक्किम, दार्जिलिङ, पश्चिम बंगाल, मुम्बई र दुबई सम्मका स्थानहरूबाट हजारभन्दा बढी प्रतिस्पर्धीहरू अडिसनमा सहभागी भएका थिए। तीमध्ये उत्कृष्ट प्रदर्शन प्रस्तुत गरेका २० जना प्रतिस्पर्धीहरू फाइनल चरणमा प्रवेश गरेका छन्।

प्रतियोगितामा जजहरू नीर शाह, अनुप बराल र ऋचा शर्मा द्वारा टप २० प्रतिस्पर्धी चयन गरिएको हो। अब उत्कृष्ट १५ को छनोट दर्शकहरूको भोटिङमार्फत हुने भएकोले शोमा अझ रोमाञ्च थपिएको छ।

यसरी दिन सकिन्छ भोट

नेपालभित्रका दर्शकहरूले OSR Connect एप डाउनलोड गरी ‘Acting Star’ मा क्लिक गरेर मनपर्ने प्रतिस्पर्धीलाई भोट गर्न सक्नेछन्।
विदेशमा रहेका दर्शकहरूले भने CineGhar App मार्फत भोटिङ गर्न सक्नेछन्।

विजेताका लागि आकर्षक पुरस्कार

विजेता: नगद रु. २० लाख + नेपाली फिल्ममा अभिनय अवसर

फस्ट रनरअप: नगद रु. १० लाख

सेकेन्ड रनरअप: नगद रु. ५ लाख

यस कार्यक्रमको आयोजना महक मिडिया नेटवर्क ले गरेको हो। अब पहिलो ‘एक्टिङ स्टार’ को उपाधि कसले जित्छ भन्ने निर्णय दर्शककै हातमा छ।