काठमाडौँ, २०८२:-साधना म्युजिक क्रिएशनको प्रस्तुति “पाँचौँ राष्ट्रिय साधना म्युजिक अवार्ड (रिवार्ड) – २०८१” मा मोडेल दीपा शाहीलाई ‘उत्कृष्ट महिला मोडेल’ को अवार्ड प्रदान गरिएको छ। समीक्षा अधिकारीको स्वरमा सजिएको लोकप्रिय गीत ‘कस्ती थियौ, कस्ती भयौ’ मा प्रभावशाली अभिनय प्रस्तुत गरेपछि शाहीले यो सम्मान हात पारेकी हुन्।

चलचित्र विकास बोर्डमा आयोजित भव्य कार्यक्रममा उनी सेतो आकर्षक सुटमा ग्ल्यामरस अवतारमा देखिइन्। गीतको भाव, अभिनय र प्रस्तुतीकरणमा उनले दर्शक तथा निर्णायकको मन जित्न सफल भएको आयोजकले जानकारी दिएको छ।

उक्त कार्यक्रममा विभिन्न विधामा अवार्ड वितरण गरिएको थियो। संगीतकर्मी, गायक/गायिका, मोडेल, निर्देशक लगायतका प्रतिभाहरू सम्मानित भएका थिए।

दीपा शाहीले पुरस्कार ग्रहण गर्दै भनिन्, “यो सम्मानले म अझ प्रेरित भएको छु। समीक्षा अधिकारी जस्तै प्रतिभाशाली गायिकाको गीतमा काम गर्न पाउनु गर्वको कुरा हो। म सम्पूर्ण टिमलाई धन्यवाद दिन चाहन्छु।”

अवार्ड कार्यक्रममा रंग संसार, म्युजिक खबर, ग्यालेक्सी ४ काठमाडौँ, दैनिकी नेपाल लगायतका मिडिया पार्टनर थिए।