काठमाडौं – नेपाली चलचित्र ‘जन्ते बाख्रो’ सेन्सर पास भएको छ। केन्द्रिय चलचित्र जाँच समितिबाट चलचित्रले युनिभर्सल (U) सर्टिफिकेट प्राप्त गरेको छ, जसअनुसार यो चलचित्र सबै उमेर समूहका दर्शकहरूले अवलोकन गर्न सक्नेछन्।

निर्मातृ पक्षका अनुसार चलचित्र पारिवारिक, मनोरञ्जनात्मक र सामाजिक सन्देश समेटिएको कथामा आधारित छ। जेठ २३ गते शुक्रबारदेखि देशभर प्रदर्शनमा आउन लागेको ‘जन्ते बाख्रो’ ले बालबालिका, युवा, अभिभावक तथा जेष्ठ नागरिक सबैका लागि उपयुक्त सामग्री प्रस्तुत गर्ने दाबी गरिएको छ।

चलचित्रको कथा, अभिनय, संगीत र प्रस्तुतीकरणले नेपाली दर्शकलाई हर्ष, हास्य र भावनात्मक सम्बन्धमा बाँध्न सफल हुने विश्वास टिमले लिएको छ।

अब छिट्टै रिलिज प्रचार–प्रसार तीव्र पारिएको चलचित्र ‘जन्ते बाख्रो’ ले नेपाली सिने क्षेत्रलाई फरक स्वाद दिने अपेक्षा गरिएको छ।