काठमाडौँ, जेठ २० – नेपाली चलचित्र ‘The Blue Light’ को शुभ मुहूर्त आज बिहान काठमाडौँको कमलादीस्थित गणेशस्थान मन्दिर परिसरमा सम्पन्न भएको छ।

स्काइफल पिक्चर्सको ब्यानरमा निर्माण हुने चलचित्रको निर्देशन बलिराम चौहानले गर्ने छन्। मुहूर्त कार्यक्रममा चलचित्रमा संलग्न कलाकार, प्राविधिक टोली तथा मिडिया प्रतिनिधिहरूको उल्लेखनीय उपस्थिति रहेको थियो।

चलचित्रमा अर्पण थापा, महेश त्रिपाठी, बेनिशा हमाल, सृष्टि श्रेष्ठ ,आयुषमान देशराज श्रेष्ठ जोशी ,सुरक्षा इटानी लगायतका कलाकारहरूको अभिनय रहनेछ।

निर्देशक चौहानका अनुसार ‘The Blue Light’ एक सामाजिक र मनोवैज्ञानिक पृष्ठभूमिमा आधारित सशक्त कथासहितको चलचित्र हो, जसले दर्शकलाई भावनात्मक र बौद्धिक रूपमा छुने अपेक्षा गरिएको छ।

मुहूर्त समारोहमा कलाकारहरूले चलचित्रप्रति विश्वास व्यक्त गर्दै दर्शकको साथको अपेक्षा गरे। निर्माण टिमले छायांकन चाँडै सुरु हुने जानकारी दिएको छ।

मिडिया समन्वय:
कार्यक्रम व्यवस्थापन तथा सञ्चार समन्वयको जिम्मेवारी आयुप पौडेलले सम्हालेका थिए।