काठमाडौँ, २०८२ जेठ १७
गौरीघाट–७, चावहिलस्थित नयाँ स्वास्थ्य संस्था “समुदायका लागि चिकित्सक संस्था” को औपचारिक सुरुवात आज एक विशेष समारोहबीच सम्पन्न भएको छ।

समारोहमा प्रमुख अतिथिका रूपमा वडा प्रतिनिधि कल्पना सुनदस, समुदायिक सेवा समाजका अध्यक्ष श्री शिवराम अर्याल, गौरीघाट सुधार समितिका अध्यक्ष श्री राजकुमार खड्की, फिल्म मेकर तथा मिडिया कर्मी श्री अमिर के.सी, साथै विभिन्न संघसंस्थाका प्रतिनिधि र समाजसेवीहरूको उल्लेखनीय उपस्थिति रहेको थियो।

कार्यक्रममा संस्थाको नाम, लोगो, पदाधिकारीहरूको विवरण, र ठेगाना सार्वजनिक गर्दै यसको उद्देश्य र भावी योजनाबारे जानकारी दिइयो।

📌 संस्थाको विवरण:

नाम: समुदायका लागि चिकित्सक संस्था

स्थान: गौरीघाट–७, चावहिल, काठमाडौँ

ईमेल: doctorforcommunity@gmail.com

संस्थाले सामाजिक उत्तरदायित्वका आधारमा गैरनाफामूलक स्वास्थ्य सेवा, समुदायमा स्वास्थ्य सचेतना, र निःशुल्क तथा सुलभ उपचार सेवा प्रदान गर्ने लक्ष्य लिएको छ।

कार्यक्रममा बोल्दै वक्ताहरूले संस्थाले समुदायमा सकारात्मक प्रभाव पार्ने विश्वास व्यक्त गर्दै स्वास्थ्य क्षेत्रका यस्ता पहलकदमीहरूलाई निरन्तरता दिन आवश्यक रहेको बताए।

संस्थाका पदाधिकारीहरूले आगामी दिनमा समुदायसँग सहकार्य गर्दै सेवा विस्तार गर्ने प्रतिबद्धता जनाएका छन्।

समाज, माया, र मानव सेवाको मूलमन्त्रलाई आत्मसात् गर्दै स्थापित यो संस्था “स्वस्थ समुदाय, समृद्ध समाज” निर्माणमा समर्पित रहने विश्वास लिइएको छ।

👉 साथ, सहयोग र सुझावका लागि संस्थाले सबैमा अपिल गरेको छ।

स्वास्थ्य #सामाजिक #सेवा #गैरनाफामुलक #समुदाय #चावहिल #नयाँसंस्था